Thantlang Market Sa Thatnak Licence A Sok Mi An Um Lo Caah A Voithumnak Fakthanh An Tuah Rih Lai

Salai Elvis| 2018 September 6| Thantlang khuachung sa thahnak Licence hmun hnih ning in a sok tu an um lo caah a voithum nak sipin nih fakthanh an tuah rih lai.

Hi sa thahnak Licence cu kum khat chung ca ding a si i Sipin nih cuaitling bak in zuar ter an si cang lai caah Licence a la thing mi hna nih an ngamh tilonak a si.

Thantlang market sa cuai tling lo tukin an zuar caah a tubantuk in sipin nih cuaitling tein a zuar ding mi lawng Licence pek an timh hna.

“Atu sa cuai kan zuar ning cu Ticle 80 a si i Ticle 85 in cun kan ngamh ko, kan zuar ko lai kan ti hna nain cuai tling lo cu an duh lo caah Licence kan lak ve lonak hi a si. Satil man a fah tuk ve caah cuai tling in kan zuar khawh ve lonak a si” tiah Market sa zuar tu pakhat nih TCP ah a chim.

“Voi hnih tiang soknak fakthanh kan tuah cang nain a soktu an um lo caah a voi thumnak fakthanh September 10 tiang kan tuah rih lai. Cu i a sok tu an um rih lo si cun ramkulh (pyine) lei nih a kan tlangtlak ning paoh in kan tuah cang lai” tiah sipin lutlai Thluai Iang nih TCP ah chim.

Sipin sa thahnak Licence soknak cu a voi khatnak Agust 13 in 17 tiang, a voi hnihnak August 29 in September 4 tiang le a voi thumnak September 10 tiang caan pek in fakthanh an tuah than a si lai ti kan theih.+++

Na ruahning rak langhter ve.. (Leave a comment)

%d bloggers like this: