Tint Tinh Myanmar Group of Companies Nih Tikir Khua Ah Project Rian Dang An Tuah Rih Lai
Salai Elvis| 2018 August 7| Thantlang khua Hotel zone dih in Tikir khua ah Tint Tinh Myanmar Group of Companies nih Project dang pakhat in riantuan an i tim rih tiah theih a si.
“Chin ramkulh chungah Tint Tinh Myanmar Group of Companies nih pakhatnak kan i hmaithlak mi cu Thantlang Hotel zone hi a si. Cu dih in a pahnihnak rian cu Tikir khua ah hin a si. Khi rian cu khua thanchonak rian deuh a si cang lai. Khualtlawng lamli mi hna nih dinh hmun pakhat si dingin Wine dum hau, Coffee, facang le a dangdang cinthlaknak lei kap tuah dingin timhtuahnak ngeih a si. Hi bantuk in Taunggyi khua ah hmun khat tuah a si cang. Hi rian cu zeitik kan thok lai a fiang rih lo, vawlei le hmunhma kong zong zohfel than a hau. Thantlang khua Hotel rian a dih in hei thok than te ding khi a si” tiah Project Director u Soe Win Maw nih TCP ah a chim.
Tint Tinh Myanmar Group of Companies nih a bik in an i hmaithlakmi rian cu Trorise & Trolls, Yangon Water Bus Project, Yangon le Ayerawady tiva cung nuamhnak ah hman mi tilawng le rian dangdang zong hmun kip ah chiah in a tuan cang. Hotel Zone inn saknak zong Thantlang khua tel in Kawlram chung hmun 11 ah an sak cang tiah theih a si. +++
About The Author
