US President Donald Trump Te Nu Va Covid-19 Positive An Hmuh

Salai Bawi lian Sang|TCP-Kalay| 2020 October 2| US President Donald Trump le a nupi Miss Melania Trump Covid-19 hrik a ngeihnak cu October 2 ni ah Trump nih a Twitter ah a tial.

Twitter ah Trump nih “Quarantine ka lut hnu in dam zau ka zuam lai. Mah hi tei dingin ka zuam lai” tiah a tial.

President Trump A sii bawi pa zong nih President te nu va hrik an hmunh nak kong a chim ve.

Innrang pi Sii lei tuanvo ngeitu bu zong nih ramchung sii lei a thiamcem bu nih bawmh an herhnak kong a tial ve.

US President a hawikom le ruahnak pe tu nu Miss Hope Hisks sin ah coronal virus hrik an hmuh ve.

Miss Hope Hicks zong tu zarh ah Trump he Air force -1 vanlawng cit in debate ah a rak kal.

September 29 ni President cu vanlawng in a tum lio ah Miss Hope Hicks hi Hmurhrut ai hrut lo mi photo ah hmunh khawh a si.

Cun Minnestor State ah President ramkhel khualtlawn nak Semptember 30 ni ah Miss Hope Hiskc cu President vanlawng khualtawng nak a zulh.

October 1 ni ah Trump nih “ka pawngkam ah um in I dinh lo bak in rian a tuanmi Miss Hope Hicks cu Corona virus hrik a ngei. A poi tuk” tiah Twitter ah a tial.

Nihin US ram ah Coronavirus hrik ngei 7 million le a thi mi sing 2 hlei an si.

DVD TV. News