Hliamhma He An Tlaih Mi Ralkap Pawl Mandalay PDF Nih An Thlop Hna
The Chinland Post | 2023 November 2 — Nawnghkio peng, Shwenyaungbin khuate pawng ah tuzing (November 2) thawk in TNLA, Mandalay PDF le ralkap hna karlak ah kahdohnak a fak rih.
Cun November 1 kahdohnak ah hliamhma he an tlaih mi ralkap pawl hna cu an thlop cuahmah hna tiah Mandalay PDF nih thawng an thanh.
Shan ram chaklei, Nawnghkio peng, Ongmathi khuate lamṭhen ah hmunhma a khuar mi TNLA le Mandalay PDF pawl an umnak ah ralkap pawl nih November 1 zinglei ah an rak i pah sual caah kahdohnak a chuak.
Ralkap pawl an Tank 1 a rawk i hnu an kir. Ralkap pawl sin in MA-1 zuun 1, MA-2 zuun 3, MA-3 zuun 2 le adang kuanzen pawl zong tampi an lak khawh tiah Mandalay PDF nih thawng an thanh.
Mandalay PDF cu ‘Operation 1027’ a tuah cuahmah mi unau hawikom phu 3 chung in TNLA he bawm in Nawnghkio ah ralkap pawl an doh cuahmah ve hna.
About The Author
