Kokang Hmunhma SAC Ralkap le MNDAA Karlak Kahdohnak Ah SAC Lei Ralbawi Telh In 16 An Thi, Hriam Tampi An Lak Khawh
The Chinland Post | 2023 October 16 — Shan ram, Kokang hmunhma ah SAC ralkap le MNDAA karlak ah kahdohnak a chuak i SAC ralkap lei ralbawi telh in 16 an thi, hriam tampi zong an lak khawh tiah Myanmar National Democraric Alliance Army (MNDAA) nih an thanh.
October 14 chun sml 12:50pm hrawng ah SAC Battalion 335 in ralkap 30 hrawng nih mipi 1 an tlaih i lam hmuhsaktu ah an hman hnu ah MNDAA umnak lei an phak lio ah kahdohnak a chuah hi a si tiah theih a si.
Kahdohnak hi chun sml 12:50pm-3:05pm tiang a rau i SAC lei ralbawi telh in 16 an thi, adang ralkap pawl nih hriam an zaamtak caah MNDAA nih an dawi i an kah hna.
Kahdohnak chung in meithal zuun 10, 60MM bom 1, kut in hlonh mi bom 1, kuanbawm 14, kuan 218 le adang kahdohnak thilri pawl an lak khawh tiah theih a si.
About The Author
