Laukkai Khua Pawng Ah A Um Mi Ralkap Sakhaan Ṭha Cu MNDAA Nih Ni 2 Chung An Kah
The Chinland Post | 2023 December 5 — Shan ram chaklei, Laukkai khua pawng ah ralkap nih ṭha taktak in hmunhma an khuarnak sakhaan cu MNDAA nih ni 2 chung kahdohnak an tuah caah kahdohnak fak a chuak tiah Khit Thit nih a langhter.
December 3 zinglei sml 10:00am hrawng ah MNDAA nih Tong-ching a leng lei ah ralkap nih hmunhma an khuarnak sakhaan cu zinglei sml 10:30am thawk in kahdoh an thawk.
Cu sakhaan hi ralkap nih ṭha tein hmunhma an khuarnak a si caah ralkap tampi nih an rak kham ve hna caah chunitlak kahdohnak a fak.
December 4 zinglei sml 8:00am hrawng ah MNDAA nih cu sakhaan cu kah hram an thawk ṭhan i atutiang kahdohnak a fak tiah theih a si.
Kahdohnak chung ah ralkap lei nih vanlawng bawmhnak dah ti lo, adang vawlei lei in thazang a chap kho ti lo tiah theih a si.
About The Author
