SAC Kahdohnak Ruang Ah Chin Ramkulh Biaknak Lei Inn 100 Leng A Rawk Cang
![](https://i0.wp.com/thechinlandpost.info/wp-content/uploads/2024/05/Tonzang-peng_Phaitu_ZBC-Biakinn_-bom_rawk_-2024-May-24.jpg?fit=640%2C360&ssl=1)
The Chinland Post | 2024 May 27 — SAC nih hramhram in uknak a lak hnu kum 3 leng caan chung ah SAC kahdohnak ruang ah Chin ramkulh chung biaknak lei inn 100 leng a rawk cang tiah CHRO nih May 26 ah thawng an thanh.
2021 February in 2024 April tiang SAC nih van lei in bom a thlak ruang, a khangh ruang, hriamngan a kah ruang ah biakinn telh in biaknak lei inn 116, sizung le ngandamnak lei inn 26 le sianginn 49 hna a rawk tiah CHRO nih an langhter.
Hrawh a tong mi chung ah Thantlang peng hi a tam bik a si i, Hakha, Falam, Kanpetlet, Mindat, Tedim, Tonzang peng inn pawl zong aa tel tiah CHRO cathanh ah hmuh khawh a si.
A luancia May 21 zong ah Tonzang peng, Phaitu khua cu SAC nih vanlawng in bom a thlak caah Zo Baptist Church biakinn a rawk.
Chin ramkulh chung kahdohnak ruang ah mipi 60,000 leng cu India ram ah an zaam hna.