SAC Mawṭaw 1 An Lak Khawh Tiah CDF-Mindat Nih An Thanh
The Chinland Post | 2023 August 29 — SAC mawṭaw 1 kan lak khawh tiah CDF-Mindat nih thawng a thanh.
August 20 ah an va lak khawh hi a si tiah an langhter.
Mindat pengkomh, sizung pi mawṭaw a tlau tiah thawngpang a leng ko nain CDF-Mindat nih cun SAC kuttang mawṭaw 1 tiah a langhter.
Sizung mawṭaw a tlau ruang ah SAC ralkap nih sizung, sianginn pawl luhchuahnak nawl an phih nain atu cu ningkhel tein umkal khawh a si ṭhan cang tiah The Mindat Post nih a langhter.
SAC nih an tlaihnak Mindat ah August thla zarh donghnak in kahdohnak voi 2 a chuak i SAC chungtel 2 an thi tiah CDF-Mindat nih an cathanh chung ah an langhter chih.
Khuachung kahdohnak atu le atu a chuahnak Mindat ah mipi pawl kha CDF he nan i pehtlai tiah SAC nih an tlaih tawn hna tiah The Mindat Post nih cun a langhter.
Hramhram in uknak lak a si hnu, Mindat peng ah SAC ralkap mawṭaw 10 nak tlawn lo CDF Mindat nih an khangh cang tiah theih a si.
Hmanthlak – Mindat peng chung ah CDF-Mindat nih an hrawh mi SAC ralkap mawṭaw pawl (hmanthlak hlun)
About The Author
