Shan Chaklei Ah SAC Ralkap Sakhan 92 Le Peng 4 Zong An Lak Cang
The Chinlandpost | November 2, 2023 —
Shan chaklei unau hawikom phu 3 nih SAC sakhaan 92 le peng 4 an lak cang tiah theih a si.
Operation 1027 thawknak October 27 in November 2, ni 7 tiang kahdohnak ah unau hawikom phu 3 nih Chin-Shwe-Haw, Phaungsai, Theinni le Kyokauk (Pansai) peng 4 telh in sakhaan 92 an lak khawh cang. Hun Ni Thang sakhaan laknak ah minutes 12 lawng an rau, SAC ralkap a tli mi an tam.
Shan ram chaklei kahdohnak ah SAC an hriamnam lak mi a tam ngai cang caah cazin lak a har ngai cang tiah MNDAA biachimnak nawlngei Ly Kyarwen nih Myintkyina Journal ah a chim.
2023 kum October 31, Muse pengkomh, MuKung peng, Phaungsai ah ralkap tank 1 lak mi telh in Operation ni 6 chung ah ralkap tank 6 an lak.
Nihin November 2 zing 7:42am ah MNDAA ralkap nih Kokang pengkomh, Tungshan ram Shanthokciamh khua Honnithang khua pawng SAC sakhan an lak khawh, mah kahnak ah SAC ralkap an thi, hriamnan tampi an lak, zing 4:00am ah Kokang MNDAA nih Shanthokciamh khua ah hmun a khuar mi sakhan kahnak ah zing 6:00 am ah sakhan an lak khawh, SAC ralkap 6 an thi, Rifle meithal zunn 7, 100 MM kahnak zuun 3, 12.7 MM kahnak zuun 3, Grenade Launcher zuun 3, MG 3 zuun 3, 60 MM kahnak zuun 1 cu an lak khawh.
Zing 7: 15am ah Kun Lun nithlak tlang um ralkap sakhan kahdohnak ah zing 11:05am ah an lak, Theinni lei um Minetinletphet tlang um ralkap sakhan cu drone in an kah hna tiah Khit Thit sin in theih a si.
About The Author
